Xelq'ara kechürüm teshkilati ürümchi '5 - iyul weqesi' üstidin musteqil tekshürüsh élip bérishni telep qildi

Xelq'ara kechürüm teshkilati jüme küni ürümchi "5 - iyul weqesi" ning bir yilliqi harpisida tekshürüsh doklati élan qilip, xitay hökümitining mezkur weqe toghrisida élan qilghan xewerlirining gumanliq ikenlikini bildürdi.
Muxbirimiz erkin
2010.07.02
Share on WhatsApp
Share on WhatsApp

Xelq'ara kechürüm teshkilati mezkur doklatta "5 - iyul weqesi"din kéyin chet'elge qéchip chiqqan guwahchilarning guwahliq sözlirige orun bergen.  Doklatta körsitilishiche, bezi guwahchilar xitay da'irilirining 5‏ - iyul küni we kéyinki basturushta Uyghurlarni qoralliq basturghanliqini, qolgha élin'ghanlarning ten jazasi we depsendichilikige uchrighanliqini ilgiri sürgen.

Xelq'ara kechürüm teshkilatining asiya - tinch okyan rayonigha mes'ul bir xadimining eskertishiche, "hökümetning chüshendürüshide jawab bérilmigen nurghun mesile bar bolup, jem'iy qanchilik adem öldi? ularni kimler öltürdi? weqening jeryani qandaq boldi we néme üchün? dégen so'allargha jawab bérish kérek.

Xelq'ara kechürüm teshkilati doklatta bir Uyghur yashning guwahliq sözige orun bérip, bu Uyghurning 7‏ - ayning 5 ‏- küni kech sa'et 8:30 etrapida xitay herbiy qisimlirining qéchip kétip barghan bir top Uyghurlarni keynidin qoghlap yürüp oqqa tutqanliqini we 3 kishining keynidin oq tégip ölgenlikini öz közi bilen körgenlikini ilgiri sürgen.  

Xelq'ara kechürüm teshkilati xitayning "shinjang"gha meblegh sélish arqiliq mesilini hel qilmaqchi boluwatqanliqini, lékin weqe üstidin kishilerni qayil qilarliq musteqil tekshürüsh élip barmay turup, naraziliq we ishenmeslikning dawamlishidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.