'5 ‏- Июл'да 3 хитай пуқрасини қутқузувалқан әхмәт әлиниң 3 тал қовурғиси сундуруветилгән

Хитайчә яшин ториниң хәвәр қилишичә, үрүмчи шәһәрлик тәптиш мәһкимиси хәлқ ишлири бөлүминиң башлиқи әхмәт әли, өткән йилқи 5 ‏- июл вәқәсидә, 3 хитай пуқрасини қутқузуш җәрянида һуҗумға учрап, 3 тал қовурғиси сундуруветилгән.
Мухбиримиз шоһрәт һошур
2010.08.24
Share on WhatsApp
Share on WhatsApp

Хәвәрдә билдүрүлүшичә, әхмәт әли 5 ‏- июл күни вәқәдин хәвәр тапқандин кейин, кечә саәт 10 да хизмәт орниға йетип келип, бир қанчә хизмәтдеши билән бирликтә, хитай пуқралирини қутқузушқа атланған. У ташқи сода идарисиниң алдидики 3 хитай яридарни қутқузмақчи болғанда һуҗумға учриған. Һуҗумда бәл қисмиға кесәк тегип 3 тал қовурғиси сунуп кәткән.

Хәвәрдә әхмәт әлиниң һөкүмәт тәрәптин қандақ мукапатланғанлиқи баян қилинмиған, униң йәнә шуниңдин кейин уйғур җамаити арисида қандақ муамилигә учриғанлиқиму әскәртилмигән.

Өткән айда бошүн ториниң хәвәр қилишичә, бир қанчә хитай пуқрасини қутқузуп қалған адил исимлик бир уйғур үрүмчидә уйғурлар тәрипидин йәклинип, юртни ташлап кетишкә мәҗбур болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.