'5 ‏- Iyul'da 3 xitay puqrasini qutquzuwalqan exmet elining 3 tal qowurghisi sunduruwétilgen

Xitayche yashin torining xewer qilishiche, ürümchi sheherlik teptish mehkimisi xelq ishliri bölümining bashliqi exmet eli, ötken yilqi 5 ‏- iyul weqeside, 3 xitay puqrasini qutquzush jeryanida hujumgha uchrap, 3 tal qowurghisi sunduruwétilgen.
Muxbirimiz shohret hoshur
2010.08.24
Share on WhatsApp
Share on WhatsApp

Xewerde bildürülüshiche, exmet eli 5 ‏- iyul küni weqedin xewer tapqandin kéyin, kéche sa'et 10 da xizmet ornigha yétip kélip, bir qanche xizmetdéshi bilen birlikte, xitay puqralirini qutquzushqa atlan'ghan. U tashqi soda idarisining aldidiki 3 xitay yaridarni qutquzmaqchi bolghanda hujumgha uchrighan. Hujumda bel qismigha kések tégip 3 tal qowurghisi sunup ketken.

Xewerde exmet elining hökümet tereptin qandaq mukapatlan'ghanliqi bayan qilinmighan, uning yene shuningdin kéyin Uyghur jama'iti arisida qandaq mu'amilige uchrighanliqimu eskertilmigen.

Ötken ayda boshün torining xewer qilishiche, bir qanche xitay puqrasini qutquzup qalghan adil isimlik bir Uyghur ürümchide Uyghurlar teripidin yeklinip, yurtni tashlap kétishke mejbur bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.