Amérika 74 yashliq xitay jasusni 15 yilliq kesti

74 Yashliq xitay jasus dung fenchung, tünügün amérikining kaliforniye shtatida sotlinip, jasusluq jinayiti üchün 15 yilliq késilgen. Hökümnamida bildürülüshiche, dung amérika alem qatnash we dölet mudapi'e téxnikisigha alaqidar mexpiy uchurlarni oghrilap xitayni teminligen.
Muxbirimiz shohret hoshur
2010-02-09
Share

Sotchining bayannamisida bildürülüshiche, dung amérikining Boeing namidiki awi'atsiye we herbiy sana'et shirkitide ishlesh dawamida, shirkette mexpiy saqlinishqa tégishlik bolghan matériyallardin 225 ming waraq matériyalni öyide saqlighan.

Sotchi dong fenchungning xitaygha éniq qaysi uchurlarni yollighanliqini bilmeydighanliqini, emma öyide saqlan'ghan matériyallarning jasusluqtin bashqa ishqa yarimaydighanliqini bildürgen. Dong fenchung bolsa özining sadiq bir amérika wetendishi ikenlikini, mezkur matériyallarni peqet kitab yézish üchün toplighanliqini bildürgen we sotchidin özini kengchilik bilen bir terep qilishni telep qilghan hem ömrining axirqi mezgilliride a'ilisi bilen xatirjem yashishigha ijazet bérishni sorighan.

Sotchi yashan'ghan bir kishige éghir jaza bérishning bir sotchi üchün asan qarar emeslikini, shundaqtimu jasuslargha ibret bolsun üchün 15yilliq qamaqqa höküm chiqarghanliqini bildürgen.

Amérika hökümet tarmaqlirining éniqlap békitishiche, dung fenchung jasusluqni 70 - yillarning axirida yeni, amérika wetendashliqigha ötüp 5 yildin kéyin bashlighan. Uning qilmishi 2006 - yili bayqilip qolgha élin'ghan؛ 3 yildin artuq éniqlashtin kéyin, axirqi sotta 15 yil 8 ayliq qamaqqa höküm qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet