Дуня уйғур қурултийиниң 3 - нөвәтлик йиғини ғәлибилик тамамланди

3 Йилда бир қетим чақирилип келиватқан дуня уйғур қурултийиниң 3 - нөвәтлик йиғини, 25 - май дүшәнбә күни қурултайниң йепилиш мурасими билән ғәлибилик тамамланди.
Мухбиримиз җүмә
2009-05-25
Share

Бу нөвәтлик қурултайда дуня уйғур қурултийиниң рәһбәрлири сайлап чиқилған болуп, қурултай рәисликигә қурултайниң илгирики рәиси уйғур миллий һәрикитиниң йетәкчиси рабийә қадир ханим қайта сайланған иди.

Йепилиш мурасимиға қурултайниң йеңи сайланған рәһбәрлири вә қурултай вәкиллири қатнашти һәмдә дуня уйғур қурултийиниң кәлгүси һәрикәт пилани вә сиясий программилирини оттуриға қойди.

Дуня уйғур қурултийиниң 3 - нөвәтлик қурултийиниң ечилиш мурасими 21 - май америка дөләт мәҗлиси бинасида елип берилған иди.

Бу нөвәтлик қурултай вә башқа паалийәтләр интайин мол мәзмунлуқ елип берилған болуп, қурултай вәкиллири 18 - 19 - май күнлири америка демократийини илгири сүрүш фонди җәмийитидә өткүзүлгән хитай ишғалийитидики шәрқий түркистанниң 60 йиллиқи намлиқ хәлқара муһакимә йиғинға иштирак қилди вә америка пайтәхтидә зиярәтләрдә болди.

Мәлум болушичә, бу нөвәтлик йиғиндин кейин, қурултайиниң рәһбәрлик системисида муәййән өзгириш ясалған болуп, қурултай мәсуллири 26 - май бу һәқтә рәсмий ахбарат елан қилиш йиғини өткүзидиғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт