Dunya Uyghur qurultiyining 3 - nöwetlik yighini ghelibilik tamamlandi
Muxbirimiz jüme
2009.05.25
2009.05.25
Bu nöwetlik qurultayda dunya Uyghur qurultiyining rehberliri saylap chiqilghan bolup, qurultay re'islikige qurultayning ilgiriki re'isi Uyghur milliy herikitining yétekchisi rabiye qadir xanim qayta saylan'ghan idi.
Yépilish murasimigha qurultayning yéngi saylan'ghan rehberliri we qurultay wekilliri qatnashti hemde dunya Uyghur qurultiyining kelgüsi heriket pilani we siyasiy programmilirini otturigha qoydi.
Dunya Uyghur qurultiyining 3 - nöwetlik qurultiyining échilish murasimi 21 - may amérika dölet mejlisi binasida élip bérilghan idi.
Bu nöwetlik qurultay we bashqa pa'aliyetler intayin mol mezmunluq élip bérilghan bolup, qurultay wekilliri 18 - 19 - may künliri amérika démokratiyini ilgiri sürüsh fondi jem'iyitide ötküzülgen xitay ishghaliyitidiki sherqiy türkistanning 60 yilliqi namliq xelq'ara muhakime yighin'gha ishtirak qildi we amérika paytextide ziyaretlerde boldi.
Melum bolushiche, bu nöwetlik yighindin kéyin, qurultayining rehberlik sistémisida mu'eyyen özgirish yasalghan bolup, qurultay mes'ulliri 26 - may bu heqte resmiy axbarat élan qilish yighini ötküzidighanliqini ilgiri sürmekte.