Iqtisadiy mesile 20 dölet yighinidiki asasliq téma

Yighin jeryanida kanada bash ministiri stéfan xarpér bir qisim dölet bashliqliri bilen ayrim uchrashqandin sirt yene bir qisim dölet rehberlirimu öz-ara ayrim - ayrim halda körüshüp söhbetleshken.

Amérika prézidénti barak obama, xitay rehbiri xu jintaw, türkiye bash ministiri tayip erdoghan qatarliq rehberler bilenmu körüshken.

Amérika awazining xewer qilishiche, aldi bilen amérika, rusiye, kanada, yaponiye, gérmaniye, fransiye qatarliq 8 tereqqi qilghan we sana'etleshken döletning rehberliri bir yerge jem bolup, 8 sana'et dölitining yilliq yighinini achqan. Yighin tamam bolghandin kéyin tereqqi qiliwatqan döletler qoshulghan 20 dölet guruhi yighini échilghan.

8 Sana'et döliti bir qatar xelq'araliq mesililerge köngül bölgen bolup, ular shimaliy koriyini tenqid qilghan, iranni insan hoquqini hörmetleshke chaqirghan. Birma hökümitini démokratik rehber angsan sukiyni qoyup bérishke chaqirghan.

B b s agéntliqining xewer qilishiche, yighinning bügünki asasliq témisi yenila dunya iqtisadiy tereqqiyat mesililirige qaritilghan bolup, amérika terep bir qisim iqtisadiy chong gewdilerning asasliq nishanini yer sharining iqtisadiy jehettin qaytidin tereqqi qilishigha qaritishi lazimliqi, gerche ariliqta iqtisadiy jehette qisqa kötürülüsh körülgen bolsimu, biraq iqtisadning yenila qaytidin töwenlesh xewpi barliqi, dunya iqtisadini ilgirilitishte peqet amérikighila tayinish mumkin emeslikini ilgiri sürgen.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar