Amérika démokratiyini ilgiri sürüsh fondining re'isi: 'xitay Uyghurlargha medeniyet qirghinchiliqi élip bériwatidu'

Amérika démokratiyini ilgiri sürüsh fondi jem'iyitining re'isi karil grishman peyshenbe küni agahlandurup,xitayning Uyghurlargha "medeniyet qirghinchiliqi" élip bériwatqanliqini bildürdi. Grishman bu sözni "5 ‏- iyul weqesi"ning bir yilliqi yétip kélish harpisida mezkur fondining washin'gtondiki xizmet binasida chaqirilghan axbarat élan qilish yighinda tekitlidi.
Muxbirimiz erkin
2010.07.02
Share on WhatsApp
Share on WhatsApp

Grishman, xitayning qeshqer qedimi sheher restilirini chéqip tashlap, 200 ming Uyghurni köchürmekchi we buning ornigha xitay nopusini yerleshtürmekchi boluwatqanliqini tenqidlep, "emeliyette bu Uyghur medeniyitini yoqitip, medeniyet qirghinchiliqi élip bérishtur" dep körsetti.

Peyshenbe künki yighinni amérika démokratiyini ilgiri sürüsh fondi, amérika Uyghur jem'iyiti we xelq'ara Uyghur démokratiye-kishilik hoquq fondi jem'iyiti birliship uyushturghan. Yighinda amérikiliq Uyghurshunas dru gladnéy pikir bildürüp, "5 - iyul weqesi"din kéyin Uyghur -xitay munasiwitining burunqi halgha kélishi tes ikenlikini bildürdi.

Xitay pa'aliyetchiliridin "junggo puqralar herikiti" rehbiri yang jyenli Uyghurlarni xitay xelqi bilen munasiwet qilip, ularning hésdashliqini qolgha keltürüshke chaqirdi.

Amérika dölet mejlisi tam lantos kishilik hoquq komitétining diréktori xans xogréfé söz qilip, dölet mejlisi pat yéqinda xitayning "5 - iyul weqesi"diki herikitini eyibleydighan bir qarar layihisi chiqirishqa teyyarliniwatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet