Amérika we rusiye prézidéntliri yadro qoralliri kélishimi mesiliside dostane sözleshti

Amérika prézidénti barak obama bilen rusiye prézidénti dimétri médwédéw téléfonda sözliship, amérika bilen rusiyining qisqa waqit ichide "hujum xaraktérliq istratégiyilik qorallarni qisqartish we cheklesh kélishimi"ning ornigha yéngidin kélishim tüzüsh heqqide pikir almashturghan.
Muxbirimiz ümidwar
2010.03.14
Share on WhatsApp
Share on WhatsApp

B b s agéntliqining xewer qilishiche, ikki prézidént yéqin waqit ichide kélishim tüzüshke qoshulghan bolup, amérika tashqi ishlar ministiri hillariy klinton kelgüsi heptide moskwani ziyaret qilip, rusiye tashqi ishlar ministiri sérgéy lawrof bilen yéngi tüzülidighan kélishimning tepsilatliri heqqide sözlishidu.

"Hujum xaraktérliq istratégiyilik qorallarni qisqartish we cheklesh kélishimi" 1991 - yili tüzülüp, 1994 - yili küchke ige bolghan. Uning waqti 2009 - yili dékabirda toshushi kérek idi.

Bir yildin buyan rusiye bilen amérika terep mezkur kélishim heqqide söhbetni dawamlashturghan bolup, melum bolushiche, waqti toshqan bu kélishimning ornigha yéngidin bir kélishim tüzüp, ikki döletning hujum xaraktérliq istratégiyilik qorallirini qisqartishni emelge ashurush pütüshülgen. Mezkur nuqtimu amérika - rusiye munasiwetliridiki muhim amillarning birige aylan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.