Türkistan islam partiyisi xitayning "térrorchilar" tizimlikige jawab qayturdi

Xitay hökümiti yéqinda "térrorchilar" tizimliki élan qilip, 8 neper Uyghurni térrorchiliq bilen eyibligen we munasiwetlik döletlerning ularni tutushqa hemkarlishishni telep qilghandin kéyin, jüme küni türkistan islam partiyisi namidin bayanat élan qilghan "qomandan seyfullah" isimlik bayanatchi, xitay da'irilirining tizimliktiki kishilerge da'ir bayanlirini ret qildi we tizimliktiki 8 kishining beshining mezkur teshkilat bilen alaqisi yoqluqini bildürdi.
Muxbirimiz erkin
2008-10-24
Share

Sin'alghugha élin'ghan bayanat jüme küni amérikining yuotube sin'alghu tor békitige chaplan'ghan bolup, bayanatta "qomandan seyfullah" tizimliktiki kishilerning " térrorchi" emeslikini, ularning erkinlik jengchisi ikenlikini, lékin tizimliktiki 5 kishining türkistan islam partiyisi bilen munasiwiti yoqluqini ilgiri sürdi. U yene, xitay j x ministirliqi élan qilghan resimlerdiki köpchilik Uyghurlarning emeliyettiki ismi, xitayning tizimlikidiki isimlar bilen mas kelmeydighanliqini, ulargha munasiwetlik bezi uchurlarning toghra emeslikini bildürdi.

"Qomandan seyfullah" bayanatta yene, xitay j x xewpsizlik ministirliqi "térrorchi " dep élan qilghan tizimliktiki bezi Uyghurlar türkistan islam partiyisidikiler bilen peqet "salamlishipla qoyghan" kishiler ikenlikini tekitleydu.

Türkistan islam partiyisi olimpik harpisida élan qilghan yene bir bayanatta guyju, gu'angshi we shangxeydiki partlash weqelirige jawabkar bolidighanliqini jakarlighan, lékin xitay hökümiti bu jaylarda yüz bergen weqelerning " térrorluq"bilen munasiwetlik ikenlikini ret qilghan idi.

Xitay j x ministirliqi seyshenbe küni 2 ‏ - türkümdiki sherqiy türkistan " térrorchilar"tizimliki élan qilip, memtimin tursun, emet yaqup, memet tursun imin qatarliqlarni öz ichige alghan 8 kishini "térrorluq " bilen eyibligen we bu kishilerning jenubiy we gherbiy asiya elliride pa'aliyet élip baridighanliqini tekitligen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet