Уйғурбиз тор бети йәнә тақиветилди

Вәтән ичи - сиртида зор қизиқиш қозғиған уйғурбиз тор бети бүгүн әтигән намәлум сәвәп билән тақиветилди.
Мухбиримиз шөһрәт һошур
2009-03-05
Share

Торбәт тақилиштин бир һәптә аввал мәзкур торбәтниң саһиби, мустәқил тәтқиқатчи, дотсент илһам тохти франсийәдә зиярәттә болған, зиярәт давамида уйғур елиниң сиясий иқтисадий вә иҗтимаий вәзийити һәққидә тәнқидий пикирлирини баян қилған иди.

Илһам тохти франсийә зияритини ахирлаштуруп, бейҗиңға қайтиштин бир күн аввал, радийомизда пикир баян қилип, уйғур аптонум райониниң рәиси нур бәкриниң, уйғур елида муқимлиқни һәддидин зиядә тәкитләп уйғур хәлқиниң иқтисадий турмуши билән кари болмғанлиқини тәнқид қилған иди. У сөзидә йәнә дөләтниң бирлики вә милләтләр иттипақлиқини қоллайдиғанлиқи, әмма миллий кәмситишкә сүкүт қилмайдиғанлиқини билдүргән иди.

Дотсент илһам тохтиниң радиомиз мухбири билән өткүзгән 3 қисимлиқ сөһбәт хатириси, уйғурбиз торида дүшәнбә күнидин башлап елан қилинған иди.

Толуқсиз мәлуматлардин, нөвәттә илһам тохтиниң нормал хизмәт ишләватқанлиқи вә торбәтниң һичқандақ қануний рәсмийәт көрситилмәстин тақиветилгәнлики мәлум; әмма, униң торбәт тақилиш җәрянда сорақ қилинғанлиқи вә яки тақаш һәққидә уқтуруш тапшурувалғанлиқи мәлум әмәс.

Мәзкур торбәт бундин бурунму бирқанчә қетим тақалған; илһам тохтиниң қануний йол билән дава қилиши билән қайта әслигә кәлтүрүлгән иди.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт