Türkiye prézidénti abdulla gül ürümchide ziyarette boldi

Xitayda ziyarette boluwatqan türkiye prézidénti abdulla gül, 29 - iyun Uyghur éli paytexti ürümchide ziyarette bolghan. Türkiye xabér torida körsitilishiche, abdulla gül Uyghur élining xitay bilen türkiyini baghlap turidighan muhim amillarning biri ikenlikini ilgiri sürgen.
Muxbirimiz jüme
2009.06.29
Share on WhatsApp
Share on WhatsApp

Prézidént abdulla gül, shinjang uniwérsitétida ziyarette bolghan we mezkur uniwérsitét abdulla gülge pexriy proféssorluq unwani teqdim qilghan.

Xewerde körsitilishiche, abdulla gül shinjang uniwérsitétida nutuq sözligen we Uyghur élining muhimliqi heqqide toxtalghan we: " Uyghurlar xitay we türkiye dostluqida köwrüklük rol oynaydu. Bu xil rol bizning munasiwetlirimizni ilgiri sürüshte muhim töhpilerni qoshidu," dégen.

24 - Iyun xitaygha yétip kelgen türkiye prézidénti abdulla gül 25 - iyun xitay prézidénti xu jintaw bilen körüshken.

Shinxu'a agéntliqining xewiride körsitilishiche, abdulla gülning bu nöwetlik ziyaritining mezmuni, türkiye - xitay arisidiki soda alaqisini kücheytish, térrorluqqa qarshi turushta hemkarliqni ilgiri sürüsh, bölgünchilik we diniy esebiylikke birlikte zerbe bérishtin ibaret töt nuqtigha yighinchaqlan'ghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet