Xitayning zeherlik chékimlik chekküchilerni tejribe qorali qilip qollan'ghanliqi tenqid qilindi

Kishilik hoquqni közitish teshkilati amérika “Ilim-pen” zhurnilida peyshenbe küni tenqid maqalisi élan qilip, amérika hökümiti xirajet bilen teminligen bezi tébbiy tetqiqat türlirining xitaydiki zeherlik chékimlik yighiwélish orunlirida élip bérilghanliqi we zeherlik chékimlik chekküchilerni tejribe qilip, kishilik hoquqqa tajawuz qilghanliqini tenqid qilghan.
Muxbirimiz erkin
2012.08.03
Share on WhatsApp
Share on WhatsApp

Bu yil 4‏-ayning 13‏-küni mezkur zhurnalda élan qilin'ghan tébbiy tetqiqat doklati, béyjinggha jaylashqan ikki yighiwélish ornidiki 66 neper zeherlik chékimlik chekküchi üstidin élip bérilghan tejribige asasen hazirlan'ghan.

Kishilik hoquqni közitish teshkilatining salametlik we kishilik hoquq ishlirigha mes'ul xadimi jow amon xitay danilirini tenqidlep, bu ikki yighiwélish ornidiki zeherlik chékimlik chekküchilerning normal tertipke asasen yighiwélinmighanliqini ilgiri sürgen.

U roytérs agéntliqigha bergen bu heqtiki bayanatida eskertip, yighiwélish ornidiki bu kishilerning yépiq orunlarda tutup turulidighanliqi, bu orunlardiki kishilik hoquqqa buzghunchiliq qilmishlirini tekshürüshke yol qoyulmaydighanliqini bildürgen. Jow amon, “Ilim-pen” zhurnilida élan qilin'ghan tenqid maqaliside yene, bu orundiki zeherlik chékimlik chekküchilerning üz ixtiyarliqi bilen yaki mejburi tejribe qilin'ghanliqi melum emeslikini ilgiri sürgen.

Mezkur tetqiqat türige béyjing uniwérsitétining 11 neper tetqiqatchisi we amérika tereptin ikki neper mutexessis qatnashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.