Афғанистан - хитай парламент рәһбәрлири ' террорлуқ' қа қарши һәмкарлишидиғанлиқини билдүрди

Афғанистан парламентиниң төвән палата рәиси юнус қануни билән хитай хәлқ қурултийиниң мудири ву баңго бейҗиңда көрүшүп, "террорлуқ " вә зәһәрлик чекимлик әткәсчиликигә қарши күрәштики һәмкарлиқни күчәйтишкә келишкән.
Мухбиримиз әркин
2009-06-22
Share

Хитайниң шинхуа агентлиқи бу һәқтики бир хәвиридә ву баңгониң "биз афғанистан билән террорлуқ вә зәһәрлик чекимликкә мунасивәтлик җинайи ишларға қарши һәмкарлиқни күчәйтишкә тәйяр" дегәнликини хәвәр қилған болсиму, лекин аталмиш "террорлуқ " қа қарши һәмкарлиқниң тәпсилий диталлирини тилға алмиған.

Юнус қануниниң зиярити америка афғанистанда қошун көпәйтип, талибанларға қарши һуҗумни күчәйткән, хитай ш.Т.И. Һәрикитиниң хирисиға дуч келиватқанлиқини тохтимай давраң селиватқан мәзгилдә елип берилған иди.

Юнус қануни хитайни зиярәт қилиштин сәл бурун афғанистан ташқий ишлар министири рангин дадфар спанта бейҗиңни зиярәт қилип, ш. Түркистан‏ - афғанистан чегрисидики вахан каридорини ечишни тәләп қилған. Хитай һөкүмити болса афғанистан тәрәпниң бу тәклипини ойлишип көридиғанлиқини билдүргән иди.

Ву баңго дүшәнбә күни қануни билән көрүшкәндә йәнә, афғанлар билән сода - иқтисади һәмкарлиқни күчәйтишкә һазир икәнликини, афғанистанниң мустәқиллиқи, игилик һоқуқи вә земин пүтүнлүкигә һөрмәт қилидиғанлиқини тәкитлигән.

Бирләшмә агентлиқи бу һәқтики бир хәвиридә, америкиниң афғанистандики мәвҗүтлуқи хитайни наһайити биарам қиливатқанлиқини, лекин хитай афғанистандики тәсири вә мәнпәәтини қоғдашниң әң яхши йоли афғанлар билән содини күчәйтиш дәп қарайдиғанлиқини илгири сүргән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт