Afghanistan - xitay parlamént rehberliri ' térrorluq' qa qarshi hemkarlishidighanliqini bildürdi
Muxbirimiz erkin
2009.06.22
2009.06.22
Xitayning shinxu'a agéntliqi bu heqtiki bir xewiride wu banggoning "biz afghanistan bilen térrorluq we zeherlik chékimlikke munasiwetlik jinayi ishlargha qarshi hemkarliqni kücheytishke teyyar" dégenlikini xewer qilghan bolsimu, lékin atalmish "térrorluq " qa qarshi hemkarliqning tepsiliy ditallirini tilgha almighan.
Yunus qanunining ziyariti amérika afghanistanda qoshun köpeytip, talibanlargha qarshi hujumni kücheytken, xitay sh.T.I. Herikitining xirisigha duch kéliwatqanliqini toxtimay dawrang séliwatqan mezgilde élip bérilghan idi.
Yunus qanuni xitayni ziyaret qilishtin sel burun afghanistan tashqiy ishlar ministiri ran'gin dadfar spanta béyjingni ziyaret qilip, sh. Türkistan - afghanistan chégrisidiki waxan karidorini échishni telep qilghan. Xitay hökümiti bolsa afghanistan terepning bu teklipini oyliship köridighanliqini bildürgen idi.
Wu banggo düshenbe küni qanuni bilen körüshkende yene, afghanlar bilen soda - iqtisadi hemkarliqni kücheytishke hazir ikenlikini, afghanistanning musteqilliqi, igilik hoquqi we zémin pütünlükige hörmet qilidighanliqini tekitligen.
Birleshme agéntliqi bu heqtiki bir xewiride, amérikining afghanistandiki mewjütluqi xitayni nahayiti bi'aram qiliwatqanliqini, lékin xitay afghanistandiki tesiri we menpe'etini qoghdashning eng yaxshi yoli afghanlar bilen sodini kücheytish dep qaraydighanliqini ilgiri sürgen.