Afghanistan prézidénti hamid karzay moskwani ziyaret qildi

Afghanistan prézidénti hamid karzay 20-21-yanwar künliri moskwada ikki kün resmiy ziyarette bolghan.
Muxbirimiz ümidwar
2011-01-23
Share

Rusiye xewerler agéntliqining yézishiche, karzay moskwada rusiye prézidénti dmitriy médwéwéd qatarliq aliy rehberler bilen körüshüp, rusiye bilen afghanistan arisidiki hemkarliq munasiwetlirini muhakime qilghan.

Karzay médwédéwni afghanistan'gha resmiy teklip qilghan bolup, médwédéw xushalliq bilen teklipni qobul qilghan. Médwédéw rusiyining afghanistanning su éléktr istansilirini qurushigha yardem bérishni kéngeytish, afghanistanning iqtisadiy qurulushigha qatnishish we bashqa birleshme qurulush ishlirini ilgiri sürüshni otturigha qoyghan.

Rusiye metbu'atlirining yézishiche, médwédéw karzay bilen bolghan uchrishishida yene xelq'araliq birleshme küchning afghanistandiki heriketlirige yuqiri baha bergen bolup, 2014-yili amérika esker chékindürgendin kéyin rusiyining afghanistan'gha yardem bérish ishlirini téximu kéngeytidighanliqi tekitlen'gen.

Bu 1970-yillardin kéyin tunji qétim afghanistan dölet rehbirining moskwani ziyaret qilishi bolup hésablinidiken. Eyni waqitta sowét ittipaqi 20 yilgha yéqin waqit afghanistanda heriket qilghan bolup, afghanistanda küchlük rusiyige qarshi keypiyat shekillen'gen idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet