Xitay da'iriliri Uyghur élide alim xaliqtin öginish pa'aliyiti bashlidi

21-Yanwar küni Uyghur aptonom rayonluq partkom teshwiqat bölümi mexsus xitay metbu'atliri teripidin "kawapchi saxawetchi" dep atalghan alim xaliqtin öginish söhbet yighini achqan bolup, yighinda pütün Uyghur aptonom rayon da'irisi boyiche alimning ishliridin öginish dolquni qozghash qarar qilin'ghan.
Muxbirimiz ümidwar
2011-01-23
Share

Shinxu'a agéntliqining xewer qilishiche, yighin'gha partkom teshwiqat bölümining bashliqi xuwéy qatarliqlar qatnashqan bolup, u kompartiye, hökümetke wakaliten alimgha "aliy hörmitini izhar qilidighanliqi we semimiy bext tileydighanliqi" ni bildürgen. Xu wéy alimning "ilghar ish izlirini yaxshi teshwiq qilish we öginish" ni telep qilghan.

Xewerde körsitilishiche, hazir Uyghur éli miqyasida "ulugh wetenni qizghin söyüp, güzel makan qurayli" dégen témida teshwiqat herikiti bashlan'ghan bolup, mezkur pa'aliyette alimdin öginish asasiy téma qilin'ghan.

"Alimdin öginish" dolquni qozghashni partkom sékrétari jang chünshen bashlap bergen bolup, u aldi bilen alimni qobul qilip, uning töhpisini medhiyiligen hemde aptonom rayon da'iriside uningdin öginish herikiti qozghashni orunlashturghan.

Xitay hökümiti we metbu'at alimni "xeyri-saxawetchi", "milletler ittipaqliqining ülgisi" dégendek namlar bilen atap keng teshwiq qilish obyéktigha aylandurghan. Biraq, alimning 400 kembeghel xitay balisining oqushigha yardem bergenliki sewebidin birdinla pütün xitay boyiche dangliq shexs süpitide teshwiq qilinishigha nisbeten Uyghurlar, bolupmu, chet'ellerdiki Uyghurlar arisida türlük inkaslar dawamlashmaqta.

Béziler uning qilghinini insanperwerlik dése, yene béziler eger u 400 Uyghur baligha yardem qilghan bolsa, unche dangliq shexs bolalmaytti hemde héchkimmu uni teshwiq qilmaytti dep qarimaqta. Uyghur amérika tor bétide élan qilin'ghan bu heqtiki inkaslarda alimning aldi bile özining minglighan kembeghel, bichare qérindashlirigha yardem bérishi kérekliki körsitilgen shuningdek uninggha "zamanimizning qurban tulumi" dep baha bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet