"Shinjang partiye komitéti" Uyghur élidiki aliy mektep püttürgenlerni ikki yilda ishqa orunlashturmaqchi

5-Iyul weqesidin kéyin xitay hökümitining Uyghur élidiki bir qatar istratégiyilik pilanliri ishqa ashuruluwatqan bu künlerde, Uyghur aptonom rayonluq kommunistik partiye komitéti mexsus aliy mektep püttürgen yashlarni ishqa orunlashturush mesilisi boyiche partkom da'imiy hey'itining yighinini chaqirghan bolup, yighinda ikki yil ichide Uyghur élidiki aliy we ottura téxnikom püttürgenlerni asasiy jehettin ishqa orunlashturup bolushni otturigha qoyghan.
Muxbirimiz ümidwar
2010.12.22
Share on WhatsApp
Share on WhatsApp

Tengritagh torining bu xewiride éytilishiche, partkom sékrétari jang chünshyen riyasetchilik qilghan 21- dékabir künidiki yighinda oqush püttürgenlerni ishqa orunlashturush mesilisi mexsus muzakire qilin'ghan.

Xewerde éytilishiche, oqush püttürgenlerni ishqa orunlashturush mesilisi boyiche partkom  7-nöwetlik qurultiyining 9-qétimliq kéngeytilgen yighini orunlashturush élip barghan bolup, ikki yil ichide xizmetsiz turuwatqan oqush püttürgen studéntlarning ishqa orunlishishini asasen emelge ashurush békitilgen.

Xewerde tekitlinishiche , bu yil 11-ayning axirighiche 76 ming neper aliy we ottura téxnikom püttürgenler ishqa orunlashturulghan. Emma, hazirghiche yene 75 ming oqush püttürgen studént ishsiz bolup, ularning mesilisi téxi hel qilinmighan. Xewerde eskertilishiche, bu san'gha 2010-yili oqush püttürgenler kirmigen.

Xewerde körsitilishiche , mezkur kéngeytilgen yighin yene 22 ming neper az sanliq millettin kélip chiqqan adettiki aliy mekteplerni püttürgen yashni shinjanggha yardem bérish pilanigha kirgen sheherlerge ikki türküm boyiche ewetip terbiyilesh élip bérish, shu arqiliq "ularning köz qarishini özgertish, sapasi we kespiy qabiliyitini östürüp, ularning jungxu'a milliti ortaq chüshenchisini kücheytish" ni qarar qilghan.

Dunya Uyghur qurultiyi we bashqa xelq'araliq kishilik hoquq teshkilatlirining melumat bérishiche, ötken yilidiki 5-iyul weqesige qatnashqanlarning xéli köp qismi aliy mektep püttürüp, ishsiz qalghan Uyghur yashliri ikenliki melum. Qollirida jungxu'a xelq jumhuriyitining qizil bayriqini kötürüp, öz insanliq hoquqini telep qilip tinch yosunda kochigha chiqqan bu yashlar basturush we tutqun qilinishqa uchrighan idi. Uyghur yashliri arisidiki ishsizliq jem'iyettiki omumyüzlük naraziliqlarning bir menbesige ayliniwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.