Алҗирийидә қурулуш қиливатқан хитай ширкитигә бомба орунлаштурулған

Алҗирийидә қурулуш қиливатқан бир хитай ширкитигә бомба орунлаштуруп қоюлған болуп, бу хәвәр алҗирийидә чиқидиған "әл хабар" торида шәнбә күни ашкариланған.
Мухбиримиз җүмә
2009.08.10

BBC Ниң "ал хабар" дин нәқил елип көрситишичә, алҗирийә қораллиқ қисимлири алҗирийә пайтәхти әтрапиға җайлашқан бир хитай ширкитигә орунлаштурулған бомбини еливәткән.

Мәлум болушичә, қолда ясалған бу бомба алҗирийә пайтәхти алҗирдин 80 километир йирақлиқта җайлашқан хитай ширкитиниң дәрвазисиға өткән пәйшәнбә күни орунлаштурулған болуп, ширкәтниң бир ишчиси бомбини байқиғандин кейин сақчиға мәлум қилған.

3 - Авғуст алҗирийә пайтәхти алҗирда хитай ишчилар җедәл чиқарған вә җедәлгә 100 дәк алҗирийиликәр арилишип 10 нәпәргә йеқин хитай ишчини яриландурған иди.

Алҗирийә шималий африқидики нефит ишләпчиқиридиған чоң дөләтләрниң бири болуп, бу дөләттә хитайниң мәвҗутлуқи барғанчә күчәймәктә.

Мәлум болушичә, алҗирийидә хитай игидарчилиқидики ширкәтләрниң көпийиши вә хитай маллириниң төкмә қилип сетилиши нәтиҗисидә, алҗирийә яшлири арисида ишсизлиқ нисбити барғанчә еғирлашқан. Бу яшлар арисида хитайға қарита өчмәнлик кәйпиятлири күчәйгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.