Amérika awam palata ezasi élina rus létinant xu jintaw bilen körüshüp, Uyghur we tibetlerning hoquqigha hörmet qilishni telep qildi

Amérika awam palatasi tashqi ishlar komitétining jumhuriyetchi re'isi élina rus létinant xanim, xitay dölet re'isi xu jintaw peyshenbe küni amérika dölet mejlisini ziyaret qilip, awam we kéngesh palata rehberlirini yoqlighanda, xitayning Uyghur we tibetlerning hoquqigha hörmet qilishini telep qilip, türmidiki siyasiy öktichilerni qoyup bérishni telep qilghan.
Muxbirimiz erkin
2011-01-21
Share

Xu jintaw peyshenbe küni amérika dölet mejlisining awam we kéngesh palata rehberlirini yoqlap, xarriy réyid, jon kerriy, mishél mikkonél qatarliq démokratik we jumhuriyetchi kéngesh palata rehberliri we shundaqla jon bonér, élina rus létinant, nensi pelusi qatarliq jumhuriyetchi we démokratik awam palata rehberliri bilen söhbet élip barghan.

Élina rus létinant xanimning amérika axbarat wasitilirige ashkarilishiche, u xu jintaw bilen körüshkende tibet we Uyghurlarning hoquqigha hörmet qilishni otturigha qoyup, nobél tinchliq mukapati sahibi lyu shawboni we ema kishilik hoquq pa'aliyetchisi gaw jishing qatarliq türmidiki öktichilerni qoyup bérishni, yer asti xristi'an muxlislirini we falun'gung muritlirini jazalashqa xatime bérishni telep qilghan.

Lékin, élina roslétinant xanimning ashkarilishiche, u nurghun mesililerni otturigha qoyghan bolsimu, lékin xu jintaw létinant xanim otturigha qoyghan mesililerdin peqet xitayda hamilidar ayallarning balisi mejburiy chüshürülüwatqanliqigha da'ir birla mesilige jawab bérip, "xitayda hamilidar ayallarning balisini mejburiy chüshürüsh ehwali mewjut emes" dégen.

Élina rus létinant xanim, xu jintaw bilen élip bérilghan körüshüshtin kéyin axbarat sahesige melumat bérip, "uning bundaq siyaset mewjut emes, dep ching turuwélishi méni heyran qaldurdi" dep körsetti. Xu jintaw jüme küni amérika sepirining axirqi békiti chikagoni ziyaret qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet