Amérikining yéngi bash elchisi geréy lu xitaygha barsa, a'ile chérkawida ibadet qilidighanliqini bildürdi

Amérika prézidénti barak obama teripidin amérikining xitayda turushluq yéngi bash elchilikige teyinlen'gen geriy lu (lujyaxuy) tünügün amérika awam palatasida guwahliqtin ötüp wezipige olturghanda, xitaydiki a'ile chérkawlirida ibadet qilishni oylishidighanliqini bildürdi.
Muxbirimiz erkin
2011-03-18
Share

Xitay hökümiti “Wetenperwer xristi'an chérkawliri” ni qanunluq dep étirap qilsimu, lékin a'ile xristi'an chérkawlirini qanunsiz diniy pa'aliyet dep basturup kelgen idi. Geriy lu amérika prézidénti teripidin xitayda turushluq amérika bash elchilikige namzat qilip körsitilgen tunji xitay amérikiliqtur. Geryi lu bu sözlerni awam palatasidiki guwahliq bérish yighinida tekitligen bolup, yighinda jumhuriyetchi awam palata ezasi frank wolf uning xitaydiki yer asti xristi'an chérkawlirigha bérip ibadet qilish-qilmasliqini sorighan idi.

Lékin, geriy lu “Méning qandaq diniy pa'aliyet bilen shughullinishim amérika xelqi bilen munasiwetsiz” dégen. Uning jawabi frank folfning oghisini qaynatqan. U üstelni mushtlap turup, “Bu ishning amérika xelqi bilen munasiwiti bar. Amérika elchixanisi xitaydiki ziyankeshlikke uchrighan we sergerdanliqqa mehkum bolghan öktichi zatlar üchün bir erkinlik arili bolushi kérek” dep tekitligen idi. Geriy lu özini aqlap, “Bu mesile ochuq -ashkara sözlishidighan mesile emesliki” ni ilgiri sürgen.

Lékin u, frank folfning so'aligha jawab bérishtin özini qachurup baqqan bolsimu, lékin frank wolf uni qistap turuwalghanliqtin, axirida özining bu mesilidiki oy-pikrini ashkarilashqa mejbur boldi.

U özining xitaygha barsa yer asti xrisytan a'ile chérkawlirida ibadet qilishni oylaydighanliqini tekitligen. Amérika prézidénti obama yéqinda nöwettiki amérika soda ministiri geriy luning wezipisini almashturup, amérikining xitaydiki bash elchilikige teyinlinidighanliqini élan qilghan. Obama, héchkimning xitaydiki bash elchilik wezipisige geriy ludek muwapiq emeslikini bildürgen idi.

Amérikining béyjingda turushluq hazirqi bash elchisi jon xuntismen yéqinda bash elchilik wezipisidin ayrilidu. Lékin, geriy lu resmiy bash elchilik ornigha olturushtin burun amérika dölet mejlisi kéngesh palatasining maqulluqini élishi lazim.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet