كۆپىنچە خىتاي پۇقراسى ئامېرىكا-خىتاي مۇناسىۋەتلىرىنىڭ ناچارلىشىۋاتقانلىقىنى ئىلگىرى سۈرۈشكەن

بىرلەشمە ئاگېنتلىقىدا خەۋەر قىلىشىچە، بۇ راي سىناش نەتىجىسى "خىتاي كۈندىلىك گېزىتى" دە دۈشەنبە كۈنى ئېلان قىلىنغان.

راي سىناشقا قاتناشقان 53 پىرسەنت ئادەم ئۆتكەن بىر يىلدا ئامېرىكا- خىتاي مۇناسىۋەتلىرىنىڭ ناچارلاشقانلىقىنى ئىلگىرى سۈرگەن بولسا، 83 پىرسەنت ئادەم بۇ خىل "ناچارلىشىشىنى ئامېرىكا كەلتۈرۈپ چىقارغان" دەپ قارايدىغانلىقىنى بىلدۈرۈشكەن.

ئامېرىكا ‏- خىتاي مۇناسىۋەتلىرى، ئامېرىكىنىڭ تەيۋەنگە 6 مىليارد دوللار قىممىتىدىكى ئىلغار قورال سېتىپ بېرىشنى قارار قىلىشى ۋە ئامېرىكا پرېزىدېنتى ئوبامانىڭ تىبەت روھانىي داھىيسى دالاي لامانى قوبۇل قىلىشىدىن كېيىن يىرىكلەشكەن ئىدى.

بۇ خىل يىرىكلىشىش ئامېرىكا ئۆتكەن يىلى سېرىق دېڭىزدا جەنۇبىي كورىيە بىلەن ئىككى قېتىم بىرلەشمە ھەربىي مانېۋىر ئېلىپ بارغاندىن كېيىن تېخىمۇ يامانلاشقان.
"ۋاشىنگتون پوچتىسى گېزىتى" دە كۆرسىتىشىچە، خىتاي پرېزىدېنتى خۇ جىنتاۋنىڭ بۇ نۆۋەتلىك زىيارىتىدىن كېيىنمۇ ئامېرىكا- خىتاي مۇناسىۋەتلىرى بىر دىنلا ياخشى بولۇپ كېتەلمەيدىكەن.

بۇنى بېسىش ئارقىلىق، پىكرىڭىزنى يېزىڭ

• پرىنت
• ھەمبەھر
• ﺋﻪﯞﻩﺗﯩﺶ

بارلىق پىكىر - بايانلارنى كۆرۈش.

• بۈگۈنكى ئاڭلىتىش
• ئىلگىرىكى ئاڭلىتىشلار