Көпинчә хитай пуқраси америка-хитай мунасивәтлириниң начарлишиватқанлиқини илгири сүрүшкән

Хитай рәиси ху җинтавниң америка зиярити башлиништин илгири хитайда елип берилған бир рай синаш нәтиҗисидин мәлум болушичә, рай синашқа қатнашқан көпинчә хитай пуқраси америка- хитай мунасивәтлириниң начарлишиватқанлиқини илгири сүрүшкән.
Мухбиримиз җүмә
2011-01-17
Share

Бирләшмә агентлиқида хәвәр қилишичә, бу рай синаш нәтиҗиси "хитай күндилик гезити" дә дүшәнбә күни елан қилинған.

Рай синашқа қатнашқан 53 пирсәнт адәм өткән бир йилда америка- хитай мунасивәтлириниң начарлашқанлиқини илгири сүргән болса, 83 пирсәнт адәм бу хил "начарлишишини америка кәлтүрүп чиқарған" дәп қарайдиғанлиқини билдүрүшкән.

Америка ‏- хитай мунасивәтлири, америкиниң тәйвәнгә 6 милярд доллар қиммитидики илғар қорал сетип беришни қарар қилиши вә америка президенти обаманиң тибәт роһаний даһийси далай ламани қобул қилишидин кейин йирикләшкән иди.

Бу хил йириклишиш америка өткән йили сериқ деңизда җәнубий корийә билән икки қетим бирләшмә һәрбий маневир елип барғандин кейин техиму яманлашқан.
"Вашингтон почтиси гезити" дә көрситишичә, хитай президенти ху җинтавниң бу нөвәтлик зияритидин кейинму америка- хитай мунасивәтлири бир динла яхши болуп кетәлмәйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт