Köpinche xitay puqrasi amérika-xitay munasiwetlirining nacharlishiwatqanliqini ilgiri sürüshken

Xitay re'isi xu jintawning amérika ziyariti bashlinishtin ilgiri xitayda élip bérilghan bir ray sinash netijisidin melum bolushiche, ray sinashqa qatnashqan köpinche xitay puqrasi amérika- xitay munasiwetlirining nacharlishiwatqanliqini ilgiri sürüshken.
Muxbirimiz jüme
2011-01-17
Share

Birleshme agéntliqida xewer qilishiche, bu ray sinash netijisi "xitay kündilik géziti" de düshenbe küni élan qilin'ghan.

Ray sinashqa qatnashqan 53 pirsent adem ötken bir yilda amérika- xitay munasiwetlirining nacharlashqanliqini ilgiri sürgen bolsa, 83 pirsent adem bu xil "nacharlishishini amérika keltürüp chiqarghan" dep qaraydighanliqini bildürüshken.

Amérika ‏- xitay munasiwetliri, amérikining teywen'ge 6 milyard dollar qimmitidiki ilghar qoral sétip bérishni qarar qilishi we amérika prézidénti obamaning tibet rohaniy dahiysi dalay lamani qobul qilishidin kéyin yirikleshken idi.

Bu xil yiriklishish amérika ötken yili sériq déngizda jenubiy koriye bilen ikki qétim birleshme herbiy manéwir élip barghandin kéyin téximu yamanlashqan.
"Washin'gton pochtisi géziti" de körsitishiche, xitay prézidénti xu jintawning bu nöwetlik ziyaritidin kéyinmu amérika- xitay munasiwetliri bir dinla yaxshi bolup kételmeydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet