Amérika aly soti güentanamodiki Uyghurlarning erkinlikke érishish telipige qarap chiqishni qobul qildi

Amérika aliy sot mehkimisi seyshenbe küni güentanamoda tutup turuluwatqan Uyghurlarning naraziliq erzini qobul qilishni qarar qildi. Bu qarar besh burjeklik bina pantogonning bu kishilerni amérika uchun tehdit emes dep békitken qararigha asasen boldi.
Muxbirimiz mihriban
2009-10-20
Share

Aliy sot, amérikining dushmen jengchisi emes dep élan qilghan kishiler ichide Uyghurlarning erzige deslep qarap chiqidighanliqini ipadilidi. Bultur 10 - ayda fédéral sotning bash sotchisi orbna qatarliqlar bu kishiler gunahsiz dep qaralghan iken, u halda derhal qoyup bérilishi kéreklikini jakarlighan bolsimu, emma bosh hökümiti sotchining öz aldigha Uyghur musulmanlirini qoyup bérishke buyruq chüshürelmeydighanliqini tekitlep,sotchi orbinaning qararini aghdurup tashlighan idi.

Obama hökümiti tirishchanliq körsitip, diplomatik munasiwetler arqiliq, bu Uyghurlar üchün muwapiq bir dölet tépishni qarar qilghan idi. Bu Uyghurlardin 4 nepiri bérmuda taqim aral dölitige bérip bolghan bolup, tich okyandiki palaw dölitimu güentanamo türmisidiki qalghan Uyghurning 6 sini qobul qilidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet