Amérika dalay lamaning arunachalni ziyaret qilishini qollidi

Fransiye agéntliqining bayan qilishiche, xitay hazir dalay lamaning hindistanning arunachal shitatini ziyaret qilishgha qattiq qarshi turuwatqanda, amérika dalay lamaning arunachalni ziyaret qilishini qollidi.
Muxbirimiz weli
2009-11-07
Share

Amérika tashqi ishlar ministirlikining mu'awén bashliqi mariya otéro bügün 'dalay lama bir dini dahi, uning arunachaldiki butxanini ziyaret qilishi özining burchini ada qilghanliqi' dep jakarlidi.

Birleshme agéntliqining bayan qilishiche, yekshenbe küni yétip kélidighan dalalamani daghdughiliq qarshi élish üchün teyyarliq köriwatqan arunachal shitatining tawang sheherchisidiki meshhur butxanining bash rahipi tulku rinpochi bügün 'dalay lama bizning qelbimizde' dep jakarlidi. Xitayning tashqi ishlar minisitirliki bayanatchisi majawshü bolsa 'dalay lamaning jenubiy tébetni ziyaret qilishi uning jonggogha qarshi bölgünchi ikenlikini ashkarilaydu' dep jakarlidi.

Xewerlerde bayan qilinishiche, buningdin 50 yil burun, dalay lama özining muhajiret sepiride, 14‏ - ewlad dalay lama alemge kelgen arunachaldiki bu butxanini ziyaret qilip ötken idi. 1962 ‏ - Yili bu rayonda xitay -hinidistan chégra urushi yüz berdi. Shuningdin kéyin bu ikki dölet 13 qétim chégra söhbiti ötküzdi, emma héchqandaq kélishim hasil bolmidi. Hémalaya étekliridiki bu güzel rayon hazir yenila, xitay bilen hinidstandin ibaret ikki chong yadro dölitining otturisida talash -tartishta turuwatidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet