Америка: 'хитай һөкүмитиниң рабийә қадир аилисигә зорлуқ һәрикәтлирини қолланмаслиқини үмид қилимиз '

Америка даирилири пәйшәнбә күни, хитай һөкүмитигә мураҗиәт қилип, рабийә қадирға зәрбә бериш үчүн униң аилисидин өч алмаслиқи керәкликини көрсәтти.
Мухбиримиз әркин
2009-08-28
Share

5 - Июл үрүмчи вәқәсидин кейин хитай даирилири, мәзкур вәқәни уйғур миллий һәрикити йетәкчиси рабийә қадир ханимға дөңгигән иди.

Мәлум болушичә, рабийә қадир ханимниң үрүмчидики пәрзәнтлириму туралғулиридин көчүшкә мәҗбурланған.

Бирләшмә агентлиқида көрситилишичә, америка ташиқи ишлар министирлиқи, рабийә қадир ханим аилә тавабиатлириниң үрүмчидики туралғулиридин көчүшкә мәҗбурланғанлиқи һәққидики хәвәрни дәлиллийәлмигәнликини илгири сүргән.

Хәвәрдә нәқил қилинишичә, америка ташқи ишлар министирлиқи баянчиси п җ кровлй: " омумлаштуруп ейтқанда, хитай һөкүмитиниң рабийә қадир аилисигә зорлуқ һәрикәтлирини қолланмаслиқини үмид қилимиз. Биз мәзкур мәсилигә йеқиндин диққәт қилишини давамлаштуримиз" дегән.

Бир игилигән мәлуматларға қариғанда, хитай һөкүмити рабийә қадир сода сарийини чеқиш хизмитини бир ай илгирила башлиған болуп, нөвәттә мәзкур сода сарайлирида сода қиливатқан содигәрләр дукандин көчүшкә буйрулған.

Бу һәқтә тохталған рабийә қадир ханим дүшәнбә күни, хитайниң мәзкур қилмишлири түпәйли чәтәлләрдә елип бериватқан кишилик һоқуқ паалийәтлиридин ваз кәчмәйдиғанлиқи һәмдә бу түпәйли үмидини һәргиз йоқатмайдиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт