Amérika: 'xitay hökümitining rabiye qadir a'ilisige zorluq heriketlirini qollanmasliqini ümid qilimiz '

Amérika da'iriliri peyshenbe küni, xitay hökümitige muraji'et qilip, rabiye qadirgha zerbe bérish üchün uning a'ilisidin öch almasliqi kéreklikini körsetti.
Muxbirimiz erkin
2009-08-28
Share

5 - Iyul ürümchi weqesidin kéyin xitay da'iriliri, mezkur weqeni Uyghur milliy herikiti yétekchisi rabiye qadir xanimgha dönggigen idi.

Melum bolushiche, rabiye qadir xanimning ürümchidiki perzentlirimu turalghuliridin köchüshke mejburlan'ghan.

Birleshme agéntliqida körsitilishiche, amérika tashiqi ishlar ministirliqi, rabiye qadir xanim a'ile tawabi'atlirining ürümchidiki turalghuliridin köchüshke mejburlan'ghanliqi heqqidiki xewerni delilliyelmigenlikini ilgiri sürgen.

Xewerde neqil qilinishiche, amérika tashqi ishlar ministirliqi bayanchisi p j krowly: " omumlashturup éytqanda, xitay hökümitining rabiye qadir a'ilisige zorluq heriketlirini qollanmasliqini ümid qilimiz. Biz mezkur mesilige yéqindin diqqet qilishini dawamlashturimiz" dégen.

Bir igiligen melumatlargha qarighanda, xitay hökümiti rabiye qadir soda sariyini chéqish xizmitini bir ay ilgirila bashlighan bolup, nöwette mezkur soda saraylirida soda qiliwatqan sodigerler dukandin köchüshke buyrulghan.

Bu heqte toxtalghan rabiye qadir xanim düshenbe küni, xitayning mezkur qilmishliri tüpeyli chet'ellerde élip bériwatqan kishilik hoquq pa'aliyetliridin waz kechmeydighanliqi hemde bu tüpeyli ümidini hergiz yoqatmaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet