Amérikidiki erkinlik öyi teshkilati zhurnalist gheyret niyaz heqqide bayanat élan qildi

Washin'gitondiki xelq'ara erkinlik öyi teshkilati tünügün zhurnalist gheyret niyazning 15 yilliq késilishi heqqide bayanat élan qildi. Bayanatta, gheyret niyazgha bérilgen jaza Uyghur rayonining nöwettiki insan heqliri weziyitining bir ipadisi dep körsitildi. Erkinlik öyi bu bayanatida, Uyghur rayonida qanunsiz tutqun qilish heriketlirining, shundaqla, türmilerde qiyin - qistaq we sirliq ölümlerning izchil yüz bérip turuwatqanliqini tekitlep, xelq'ara jama'etni Uyghur weziyitini yéqindin közitishke chaqirdi.

2010.07.27
Share on WhatsApp
Share on WhatsApp

Erkinlik öyi yene, 5 - iyul weqesidin kéyin, musteqil tetqiqatchi ilham toxtining 6 hepte tutqun qilinip, andin qoyuwétilgenlikini, dilshat perhat qatarliq tor bashqurghuchilirining hazirghiche qamaqta ikenlikini eskertip, xitay hökümitini, gheyret niyaz heqqidiki hökümini bikar qilishqa we dilshat perhat qatarliqlarni qoyup bérishke chaqirdi.

Erkinlik öyi washin'gitonda pa'aliyet élip bériwatqan xelq'araliq bir teshkilat bolup, bu teshkilatning ghayisi dunyada erkinlik, démokratiye we kishilik hoquqning yéyilishi üchün xizmet qilishtur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.