Obama, amérika - ezerbeyjan munasiwetlirini ilgiri sürüshte ümidlik ikenlikni bildürdi

Amérika prézidénti obama amérika - ezerbeyjan munasiwetliride bezi qiyinchiliqlar mewjut bolsimu, amérika - ezerbeyjan munasiwetlirini ilgiri sürüshte yenila ümidlik ikenlikini bildürgen.
Muxbirimiz jüme
2010-06-07
Share

Obama bu heqtiki meydanini ezerbeyjanda ziyarette boluwatqan amérika mudapi'e ministiri robért géytis arqiliq yollighan mektubida otturigha qoyghan.

Amérika dölet mudapi'e ministiri robért géytis yekshenbe küni prézidént obamaning bu heqtiki mektupini ezerbeyjan prézidénti ilham eliyéwqa tapshurghan.

Obama xétide ezerbeyjan - amérika hemkarliqini teripligen we ezerbeyjanning amérika afghanistanda élip bériwatqan urush üchün hawa we quruqluq armiye bazilirini ariyetke bergenlikidin minnetdar ikenlikini bildürgen.

Obama xétide: "munasiwetlirimizde bezi keskin mesililerning mewjut ikenlikidin xewerdarmen, emma bu mesililerni hel qilip kételeydighanliqimizgha ishenchim kamil" dégen.

Amérika 2001 - yili afghanistandiki taliban hökümitige qarshi jeng élan qilghandin kéyin, ezerbeyjan hökümiti amérika ayropilanlirining ezerbeyjan hawa boshluqidin we bir qisim birleshme qoshun qisimlirining ezerbeyjan tupriqidin ötüshige ruxset qilghan.

Halbuki, amérika da'iriliri kishilik hoquq we axbarat erkinliki mesiliside ezerbeyjanni eyiblep kéliwatqan bolup, bu ezerbeyjan hökümitining naraziliqini qozghap kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet