Yaponiye, amérika-filippin herbiy manéwirgha ishtirak qilishi mumkin

Yaponiye axbarat wasitiliri yaponiye mudapi'e qisimlirining kéler ay jenubiy déngizda ötküzülidighan amérika-filippin birleshme herbiy manéwirigha qatnishishqa teyyarliq qiliwatqanliqini xewer qilghan.
Muxbirimiz irade
2012.03.08

Eger bu emeliyleshken teqdirde, bu yaponiye qisimlirining amérika-filippin birleshme herbiy manéwirigha tunji qétim qatnishishi bolup qalidiken.

B b s ning xewer qilishiche, amérika bilen filippin 4-ayning 16-küni jenubiy déngizdiki palawan arallirida 12 künlük herbiy manéwir ötküzidighan bolup, ular bu qétim yaponiyidin bashqa yene, hindonéziye we malayshiyanimu manéwirgha ishtirak qilishqa teklip qilghan.

Yaponiye dölet téléwiziyisi n x k qanilining bu heqtiki xewiride, amérika bilen filippin gerche her yili oxshash mezgilde bundaq manéwir ötküzsimu, emma bu qétimliq manéwirning mexsus apettin mudapi'elinish meshiqige qaritilghanliqi we köp döletlerning teklip qilin'ghanliqini, bu nuqtidin élip éytqanda, bu qétimliq manéwirning herbiy küchini üzlüksiz zoraytip, jenubiy déngizda igilik hoquq dawasi qiliwatqan xitaygha qaritilghan bolushi mumkinlikini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.