Америка тоқунуштики һәр қайси тәрәпләрдин бир - бирини әйибләшни тохтитишни тәләп қилди

Америка һөкүмити бейҗиңдики америка әлчиханиси хадимлириниң үрүмчигә әвәтилгәнлики, америка дипломатлириниң вәзийәтни нәқ мәйдандин көзитиватқанлиқини билдүрди. Америка ташқи ишлар министирлиқиниң баянатчиси иян кәллий пәйшәнбә күни елан қилған бу һәқтики баянатида, тәрәпләрни өзини тутувелишқа йәнә бир қетим чақирип, тәрәпләрни бир - бирини әйибләштин хали турушқа чақирди.
Мухбиримиз әркин
2009.07.09
Share on WhatsApp
Share on WhatsApp

Иян кәллей мундақ дәйду": мениңчә, һазирқи әң муһим мәсилә пүтүн тәрәпләр өзини тутувелип, бир ‏ - бирини әйибләштин сақлиниш, отни улғайтишниң алдини елиштур."

Иян кәллей бу сөзләрни хитай дөләт рәиси ху җинтав чаршәнбә күни сиясий бюрониң йиғинида үрүмчидики вәқәни "үч хил күчләр" пәйда қилған дәп әйибләп, вәқәгә қатнашқанларни шиддәтлик җазалайдиғанлиқини елан қилған, хәлқара тәшкилатлар хитай мәтбуатлирини бир тәрәплимилик хәвәр тарқитип, от үстигә яғ чечиш билән әйибләватқан әһвалда тәкитлиди.

Буниңдин бир күн бурун, америка ташқи ишлар министири һеллари клинтон үрүмчидики вәзийәттин " чоңқур әндишә" қиливатқанлиқини билдүргән шундақла тәрәпләрни өзини тутувелишқа чақирған иди. Иян кәллейниң әскәртишичә, америка вәқәниң дәсләпки күни йүз бәргән қирғинчилиқлар үстидә мәлумат елишқа тиришиватқанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.