Amérika toqunushtiki her qaysi tereplerdin bir - birini eyibleshni toxtitishni telep qildi

Amérika hökümiti béyjingdiki amérika elchixanisi xadimlirining ürümchige ewetilgenliki, amérika diplomatlirining weziyetni neq meydandin közitiwatqanliqini bildürdi. Amérika tashqi ishlar ministirliqining bayanatchisi iyan kelliy peyshenbe küni élan qilghan bu heqtiki bayanatida, tereplerni özini tutuwélishqa yene bir qétim chaqirip, tereplerni bir - birini eyibleshtin xali turushqa chaqirdi.
Muxbirimiz erkin
2009.07.09
Share on WhatsApp
Share on WhatsApp

Iyan kelléy mundaq deydu": méningche, hazirqi eng muhim mesile pütün terepler özini tutuwélip, bir ‏ - birini eyibleshtin saqlinish, otni ulghaytishning aldini élishtur."

Iyan kelléy bu sözlerni xitay dölet re'isi xu jintaw charshenbe küni siyasiy byuroning yighinida ürümchidiki weqeni "üch xil küchler" peyda qilghan dep eyiblep, weqege qatnashqanlarni shiddetlik jazalaydighanliqini élan qilghan, xelq'ara teshkilatlar xitay metbu'atlirini bir tereplimilik xewer tarqitip, ot üstige yagh chéchish bilen eyiblewatqan ehwalda tekitlidi.

Buningdin bir kün burun, amérika tashqi ishlar ministiri héllari klinton ürümchidiki weziyettin " chongqur endishe" qiliwatqanliqini bildürgen shundaqla tereplerni özini tutuwélishqa chaqirghan idi. Iyan kelléyning eskertishiche, amérika weqening deslepki küni yüz bergen qirghinchiliqlar üstide melumat élishqa tirishiwatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet