Amérika prézidénti amérika iqtisadining kütkendin tiz sür'ette eslige kélidighanliqigha nisbeten ümidini bildürdi

Amérika pay chéki bazirida örlesh körün'gendin kéyin, amérika prézidénti barak obama amérika iqtisadining kütkendin téz sür'ette eslige kélidighanliqigha nisbeten ümid nuri körgenlikini bildürgen bolup, u bu sözlerni yekshenbe küni otturigha qoyghan.
Muxbirimiz jüme
2009-03-23
Share

Amérika hökümiti krizisi ichidiki banka sistémisini qutuldurush pilanini ashkarilighandin kéyin, amérika pay chéki bazarlirida körünerlik derijide ösüsh haliti shekillen'gen bolup, bu xil ösüsh haliti london, parizh, frankfort we tokyo bazarliridimu shekillen'gen.

Melum bolushiche, nöwette obama hökümiti amérika iqtisadini saghlam yolgha sélish üchün 500 milyard dollar serp qilip, banka sistémisini krizisqa paturghan " zeherlik meblegh" lerni sétiwalidighanliqini otturigha qoyghan bolup, "wolstrit" gézitide neqil qilinishiche, amérika maliye ministiri timity gaytnér sétiwélish sommisining belkim 1 tirilyon dollargha yétishi mumkinlikinimu otturigha qoyghan.

Prézidént obama "s b s" téléwiziyisining ziyaritini qobul qilghanda, nöwette amérika munasiwetlik tarmaqlirining ösüm nisbitini töwenletkenlikini netijide töwen nisbette qerz yéngilighuchi öy igilirining barghanche köpiyiwatqanliqini buningdin amérika öy bazirining eslige kéliwatqanliqini körüwélishqa bolidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet