700 Milyard dollarliq qutquzush pilan orginigha yardemchi maliye ministiri nil qeshqiri teyinlendi

Bush hökümiti krizis ichidiki amérika iqtisadini rawajlandurush üchün,700 milyard dollarliq qutquzush pilanini derhal ijra qilishqa tutun'ghanliqini hemde shuninggha alaqidar qanuniy meslihet shirketliri bilen söhbetlishiwatqanliqini uqturdi.
Muxbirimiz jüme
2008-10-13
Share

Birleshme agéntliqida körsitilishiche, bush hökümitining mezkur uqturushi, yawropa merkizi bankisi krédit krizisini asanlashturush üchün qollan'ghan tedbirlirige mas halda otturigha qoyulghan bolup, düshenbe küni yawropa paychéki bazirida mu'eyyen örlesh körülgen bolsa amérika bazarliridimu paychiklar ösken.

Bush hökümitining 700 milyard dollarliq qutquzush pilanini yürgüzüshke, yardemchi maliye ministiri nil qeshqiri teyinlen'gen bolup, u düshenbe küni, nöwette munasiwetlik xadimlarning bankilarning qerzini sétiwélish tedbirini qandaq élip bérish körsetmisi üstide izdiniwatqanliqini bildürdi.

Qeshqirining bildürüshiche, ilgiri pénsiyige chiqqan yette neper hökümet xadimlirimu mezkur pilanni yolgha qoyush jeryanigha qatnishishqa teklip qilin'ghan bolup, nöwette maliye ministirliqida yer - mülük rene qerzi we olturaq oy rene qerzi qatarliq türler buyiche ish béjiridighan yette türlük xizmet ömiki teshkillen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet