Хитай, америка билән җәнубий корийә бирликтә өткүзидиған һәрбий маневирға наразилиқ билдүрди

Җәнубий корийә ахбарати йеқинда америка билән җәнубий корийә бирлишип сериқ деңизда һәрбий маневир өткүзидиғанлиқини хәвәр қилған. Гәрчә, бу қетимқи маневирниң сигнали шималий корийини агаһландуруш икәнлики ениқ болсиму, хәлқара җамаәт асаслиқи хитайниң инкасиға алаһидә диққәт қилмақта иди.
Мухбиримиз шоһрәт һошур
2010-06-22
Share

Чүнки америка райондики иттипақдашлири билән һазирғичә өткүзгән маневирлириниң көпинчиси корийә арилиниң шәрқидә япон деңизида өткүзүлүп кәлгән. Бу қетимқиси болса корийә арили билән хитай арисидики сериқ деңизда өткүзүлмәкчи.

Бүгүн хитай ташқи ишлар баянатчиси бу һәқтики соалға җавап берип мәзкур маневир һәққидики хәвәрләрни диққәт билән көзитиватқанлиқини, районниң вәзийитини җиддийләштүридиған һәр қандақ бир һәрикәткә қарши икәнликини билдүргән.

Мәзкур хәвәрләрдики йәнә бир муһим нуқта, америка авиаматкилириниң маневирға қатнаштурулуш яки қатнаштурулмаслиқидур. Җәнубий корийә мәтбуатлирида америка авиаматкилириниң маневирға қатнаштурулидиғанлиқи баян қилинмақта. Әмма, америка тәрәп һазирчә бу һәқтә ипадисиз турмақта.

Хәвәрләрдин мәлум болушичә, әслидә маневир 6 ‏- айниң 7 - күнидин 9 ‏- күнигичә өткүзүлмәкчи болған, арқидин маневир 3 һәптә кечиктүрүлгән. Шундақ болғанда бу маневир ‏мушу айниң ахири яки 7 ‏- айниң бешида өткүзүлүши мумкин.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт