Xitay, amérika bilen jenubiy koriye birlikte ötküzidighan herbiy manéwirgha naraziliq bildürdi

Jenubiy koriye axbarati yéqinda amérika bilen jenubiy koriye birliship sériq déngizda herbiy manéwir ötküzidighanliqini xewer qilghan. Gerche, bu qétimqi manéwirning signali shimaliy koriyini agahlandurush ikenliki éniq bolsimu, xelq'ara jama'et asasliqi xitayning inkasigha alahide diqqet qilmaqta idi.
Muxbirimiz shohret hoshur
2010-06-22
Share

Chünki amérika rayondiki ittipaqdashliri bilen hazirghiche ötküzgen manéwirlirining köpinchisi koriye arilining sherqide yapon déngizida ötküzülüp kelgen. Bu qétimqisi bolsa koriye arili bilen xitay arisidiki sériq déngizda ötküzülmekchi.

Bügün xitay tashqi ishlar bayanatchisi bu heqtiki so'algha jawap bérip mezkur manéwir heqqidiki xewerlerni diqqet bilen közitiwatqanliqini, rayonning weziyitini jiddiyleshtüridighan her qandaq bir heriketke qarshi ikenlikini bildürgen.

Mezkur xewerlerdiki yene bir muhim nuqta, amérika awi'amatkilirining manéwirgha qatnashturulush yaki qatnashturulmasliqidur. Jenubiy koriye metbu'atlirida amérika awi'amatkilirining manéwirgha qatnashturulidighanliqi bayan qilinmaqta. Emma, amérika terep hazirche bu heqte ipadisiz turmaqta.

Xewerlerdin melum bolushiche, eslide manéwir 6 ‏- ayning 7 - künidin 9 ‏- künigiche ötküzülmekchi bolghan, arqidin manéwir 3 hepte kéchiktürülgen. Shundaq bolghanda bu manéwir ‏mushu ayning axiri yaki 7 ‏- ayning béshida ötküzülüshi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet