Америка хитайни лю шавбониң аялиниң әркинликини боғмаслиққа чақирди

Америка даирилири сәйшәнбә күни, хитай даирилирини хәлқара қанунларға һөрмәт қилип, бу йиллиқ нобел тинчлиқ мукапати саһибиниң аялиниң әркинликини боғмаслиққа чақирди.
Мухбиримиз җүмә
2010-10-12
Share

Бу йиллиқ нобел тинчлиқ мукапати хитай язғучи лю шавбоға берилгәндин кейин, лю шавбониң аяли лю ша өзиниң нәзәрбәнд астиға елинғанлиқини уқтурған.

Бүгүн америкиниң бейҗиңда турушлуқ әлчиханисиниң баянатчиси ричард буанган, лю шаниң нәзәрбәнт астиға елинғанлиқидин биарам болғанлиқини илгири сүрди.

У мундақ деди: "биз лю шаниң әһвалини йеқиндин көзитимиз. Униң һоқуқлириға һөрмәт қилиниши, униң әркин йүрүш һоқуқлириға дәхли йәткүзүлмәслики вә у паракәндә қилинмаслиқи керәк".

Буанган йәнә мундақ деди: " биз хитайни кишилик һоқуқни қоғдаш һәққидә хәлқараға бәргән вәдилирини әмәлдә көрситип, хитайдики барлиқ пуқраларниң кишилик һоқуқини һөрмәт қилишқа чақиримиз."

Һалбуки, хитай даирилири нобел тинчлиқ мукапатиниң хитайға тәсир көрситәлмәйдиғанлиқини билдүрди.

Хитай баянатчи ма җавшү сәйшәнбә күнидики мухбирларни күтүвелиш йиғинда, "бәзи дөләтләрдики сиясийонлар нобелдин пайдилинип хитайға һуҗум қилмақта" деди. У йәнә, хитайниң сиясий қурулмисида өзгириш болмайдиғанлиқини қайта тәкитлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт