Amérika pakistan'gha 7 yérim milyard dollar yardem puli béridu

Amérika prézidénti barak obama bügün pakistan'gha 7 yérim milyard dollar yardem puli bérish qararini imzalidi. Qarar boyiche amérika pakistan'gha 5 yil boyiche her yili 1 yérim milyard dollar yardem qilidiken. Bu pullar pakistanning iqtisadi tereqqiyati we bir qisim asasiy qurulush saheliride ishlitidiken.
Muxbirimiz irade
2009.10.15

Xewerlerde déyilishiche, obama hökümiti bu arqiliq pakistan hökümitini küchlendürüp, pakistanning öz chégrisi etrapida pa'aliyet qiliwatqan el - qa'ide we taliban küchliri bilen bolghan kürishige yardem bérishni meqset qilghan.

Emma pakistandiki bezi öktichi küchler bu pulning pakistanning igilik hoquqigha ziyan élip kélidighanliqini ilgiri sürüp qarargha qarshiliq qilmaqta. Qararning layihiligüchisi bolghan amérika dölet mejlisi ezasi jon kérriy buning hergizmu pakistanning igilik hoquqigha dexli - teruz qilishni we pakistanning herbiy heriketlirige arilishishni meqset qilmaydighanliqini ilgiri sürgen.

Obama hökümiti bundin burun qirghizistan we özbékistan qatarliq döletler bilenmu bir qatar kélishimlerge qol qoyghan idi. Közetküchiler bolsa amérikining tejribe - sawaqlarni yekünligenlikini, afghanistan urushida ghelibini qolgha keltürüsh üchün rayondiki tesirini kücheytishke tirishiwatqanliqini ipade qilghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.