Amérika, pelestin xelqighe 900 milyon dollar yardem béridighanliqini bildürdi

Nöwette ottura sherq ziyaritide boliwatqan amérikida tash ishlar ministiri héllariy klinton xanim 2 - mart düshenbe küni, amérika hökümitining pelestin xelqighe 900 milyon dollar yardem béridighanliqi, buning ghezze rayonini qayta qurushqa bérilidighan 300 milyon hemde pelestin hökümitige bérilidighan 600 milyon dollarni öz ichige alidighanliqini bildürdi.
Muxbirimiz jüme
2009-03-02
Share

Klinton xanim yuqiriqilarni ghezze rayonni qayta qurush xususida élip bérilghan i'ane toplash murasimida otturigha qoyghan bolup, u yene obama hökümitining isra'iliye bilen bashqa ereb elliri arisidiki tinchliqini ijabiy tereqqiy qildurush üchün her tereplerdin tirishchanliq körsitidighanliqini bildürgen.

Halbuki, klinton xanim isra'iliye terepke asasen yumshaq rewishte pikir bayan qilghan bolup, emma murasimda sözge chiqqan fransiye prézidénti nikolas sarkozy, ghezze rayonini sirtqi dunyagha échishqa qistidi we isra'iliyining ghezzeni üsti ochuq türmige aylanduralmasliqi kéreklikini bildürdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet