Amérika teywen'ge sétip bérilidighan qorallarning türini köpeytidighanliqini bildürdi

Amérika hökümiti peyshenbe küni teywen'ge sétip bérilidighan qoral - yaraqlarning türini köpeytishke yéshil chiragh yéqip, teywen'ge téximu köplep qoral - yaraq sétip béridighanliqining bésharitini berdi.
Muxbirimiz erkin
2010-03-19
Élxet
Pikir
Share
Print

Amérika tashqi ishlar ministirliqining sherqiy asiya ishliri mu'awin yardemchi ministiri deywid shér, amérika dölet mejlisidiki ispat bérish yighinida amérikining teywen mesilisidiki pozitsiyisini tekitlep, amérika teywenning özini mudapi'e qilishigha kéreklik qorallar bilen teminlesh "mejburiyitini üzlüksiz ada qilidighanliqi"ni bildürgen.

Deywid shér, dölet mejlisining amérika - xitay iqtisadi bixeterlik közitish komitétida ispat bérip, "xitay chong quruqluqi bilen birlishish toghrisidiki bésim we tehditke taqabil turalaydighan emili küchke ige ikenlikidin xatirjem bolushi kérek" dégen. Teywen prézidénti ma yingju, bir tereptin xitay bilen munasiwetni yumshitishqa tirishsa, yene bir tereptin qoral - yaraq sétiwélishni tézlitip, amérikining teywen'ge F_16 urush ayropilanlirini sétip bérishni telep qilghan idi.

Amérika dölet mudapi'e ministirliqining sherqiy asiya ishliri mu'awin yardemchi ministiri maykél shifir ispat bérish yighinida söz qilip, xitayning nöwettiki herbiy hazirliqining nishani merkezlik teywen boghuzida yüz bérish éhtimali bolghan herbiy toqunushqa qaritilghanliqini ilgiri sürgen. Amérika yéqinda teywen'ge 4.6 Milyard dollarliq qoral - yaraq sétip bérishni maqullap, xitayning naraziliqini qozghighan idi. Xitay hökümiti qoral - yaraq sodisini bahane qilip, amérika bilen bolghan herbiy alaqini tonglatqan.
Toluq bet