Teywen: amérikining teywen siyasitide ching turudighanliqigha ishinimiz

Teywenning sabiq mu'awin prézidénti ling shyulyen bügün b b s'gha qilghan sözide amérika - xitay uchrishishidin kéyin ikki terep élan qilghan ortaq bayanat teywen üchün jiddiy so'al peyda qildi dédi.
Muxbirimiz irade
2009.11.19
Share on WhatsApp
Share on WhatsApp

Amérika prézidénti barak obama bayanatta qilghan sözide, amérikining xitayning zémin pütünlükige hörmet qilidighanliqini ipade qilghan idi. Ling shyulyen obamaning bu sözini neqil keltürüp: "obama bilen xu jintawning ochuq uchrishishida teywen mesilsining kün tertipke kelgenliki xewer qilin'ghan idi. Emma ikki terep ortaq bayanatidin xitay hökümitining alliqachan amérikini özi terepke tartip ketkenlikini körüwalghili bolidu " dédi we hazirqi ma yingju hökümitini özini heddidin ziyade xatirjem hés qilish bilen eyiblidi.

Emma ma yingjyu hökümiti amérika hökümitining teywen mesiliside bergen wediside turidighanliqini tekitlidi.

Teywen tashqi ishlar ministirliqi tünügün bu heqte bayanat bérip, teywenning amérika tashqi siyasitining uzun muddetlik we qet'iy ikenlikige ishinidighanliqini éytip: biz amérikining bundin kéyinmu teywen siyasitige hörmet qilghan asasta, teywen'ge özini mudapi'e qilidighan qorallarni sétip bérishni dawam qilidighanliqi we teywen bilen bolghan munasiwetlirini kücheytidighanliqigha qet'iy ishinimiz dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.