Amérika emdi teywen'ge ilghar radar sistémisi sétip bermekchi

Birleshme agéntliqining teybéydin xewer qilishiche, amérika emdi özining qanuni buyiche, teywenning hawa armiyisige ilghar radar sistémisi sétip bermekchi.
Muxbirimiz weli
2010-08-25
Share

Amérika tashqi ishlar ministirliqi bayanatchisi filip krowléyining éytishiche, bu qétim amérika sétip béridighan herbiy eshyalar teywenning yerlik urushchi ayropilanlirini qorallanduridighan ilghar radar sistémisi mudapi'e mulazimiti, téxnikiliq uchur we zörür seplimilerni öz ichige alidiken.

Emma, u bayanatida, amérika shirketliri teywenning bu sistémini qollinishini közitishke qatnishidighan yaki qatnashmaydighanliqini tilgha almighan.

Xewerde éytilishiche, buningdin burun amérika, 1949 ‏- yili chong quruqluqtin bölünüp chiqqan teywenni 66 dane f ‏ -16 belgilik urushchi ayropilanni öz ichige alghan 6 milyard 400 milyon amérika dolliriliq özini qoghdaydighan ilghar qorallar bilen teminligenliki xitayni qattiq ghezeplendürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet