Америка тәйвәнгә транспорт тик учарларни сетип бәрмәкчи

Америка даирилири бу йил роҗистива байримидин илгири тәйвәнгә һәрбий транспорт тикучар айропиланлири сетип беридикән.
Мухбиримиз җүмә
2009-12-12
Share

Бу һәқтики хәвәрләр тәйвәндин чиқидиған хитай вақит гезитидә елан қилған. Мәлум болушичә, бу йил язда тәйвән тәйфең бөриниң һуҗумға учриған кишиләрни қутулдурушта ишләткән һәрбий транспорт айропилани қутқузуш давамида чүшүп кәткәндин кейин америка даирилири тәйвәнгә йеңидин транспорт тикучар айропиланлирини сетип бәришкә қошулған.

Хәвәргә қариғанда америка даирилири тәйвәнгә уһ - 60 типлиқ тикучардин 60 данә сетип бериши мумкин икән.
Ашкарилинишичә, хитай даирилири бу хилдики транспорт айропиланлириға 20 йил илгирила игә болуп болғачқа, бу нөвәт америка даирилири тәйвәнгә сетип бериши мумкин болған тикучарларға бәк җиддий қаримаслиқи мумкин икән.

Америка тәйвәнни дөләт мудапиә әслиһәлири билән әң коп тәминләп келиватқан дөләтләрниң бири. Америкиниң тәйвәнгә һәрхил илғар типтики һәрбий техникилаарни сетип бериши бейҗиң даирилирини биарам қилип келиватқан болуп, бу америка хитай мунасивәтлиридики назук темиларниң бири иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт