Amérikining teywen siyasitide chong özgirish bolmaydu

Amérikining yéngi diplomatiye ministiri xillariy klinton yéqinda amérika dölet mejlisige amérika ‏ - teywen diplomatiyisi heqqide yollighan mektubida, obama hökümitining dawamliq bir junggoni étirap qilidighanliqini shundaqla amérika, xitay, teywen üch terep hemkarliqini saqlashtek diplomatiye siyasitining qanunigha emel qilidighanliqini bildürgen bolsimu, yenila amérikining buningdin kéyinmu teywenning xelq'aradiki heriket da'irisini kéngeytish tirishchanliqini qollashni öz ichige alghan hemkarliq diplomatiyisini dawamlashturidighanliqini ilgiri sürgen.
Muxbirimiz gülchéhre
2009-01-27
Share

Xillariy xanim teywenning xelq'ara sehiye teshkilatida közetküchilik ornigha ige bolush üchün xelq'arada élip bériwatqan heriketlirini qollaydu, bu amérikining xitay siyasitige mas kélidu dep tekitligen. U yene, obamaning teywen siyasitining, teywen bilen xitayning ikki qirghaq munasiwitini tinchliq bilen hel qilishqa yardem qilidighanliqini, ikki terepning mesilini öz aldigha hel qilishining mumkin emeslikini tekitligen.

Xillariy klinton xanim ötken peyshenbe küni qesem ichip, amérikining diplomatiye ministirliq wezipisini resmiy bashlighan idi.

Közetküchiler, ikki qirghaq munasiwiti turaqlashqandila amérikining otturidin nep alalaydighanliqini, amérikining, xitay bilen bolghan munasiwitide teywen mesilisi négizlik mesile bolghachqa, obama hökümitiningmu teywen siyasitide chong özgirish bolmaydighanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet