Amérika awam palatasi teywen mesiliside yéngi qarar maqullidi

Amérika dölet mejlisi tünügün 'amérika teywen munasiwiti qanuni' ning 30 yilliqi xatirilep yéngi qarar maqullidi. Merkizi agéntliqining bayan qilishiche, amérika dölet mejlisining bu qararida, amérika teywenning démokratik tüzümini qollashta hergiz tewrenmeydighanliqi we amérika - teywen munasiwitini téximu chongqurlashturulidighanliqi körsitilgen.
Muxbirimiz weli
2009-03-25
Share

B b s ning bayan qilishiche, xitay terep amérika dölet mejlisining bu qararigha qattiq naraziliq bildürdi. Xitay tashqi ishlar minisitirilikining bayanatchisi machawshü bu heqte élan qilghan bayanatida, 'amérika dölet mejlisidiki az sanliq kishiler junggoning qarshiliqigha pisent qilmastin, yene bundaq qarar maqullighanliqigha biz qattiq narazi bolduq, biz bu heqte amérika bilen derhal sözlishimiz' dep jakarlidi.

Buninggha qarita teywen iqtisadiy munasiwet we medeniyet almashturush bashqarmisi bir bayanat élan qilip, amérikidiki ikki chong partiyining we amérika dölet mejlisining bu qararigha minnetdarliq bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.