Роберт гейтис: 'хитай америкиниң тәйвәнгә һәрбий ярдәм беришни тохтатмайдиғанлиқидәк реаллиқни қобул қилиши керәк'

Америка дөләт мудапиә министири роберт гейтис шәнбә күни сингапорда, хитай даирилириниң америка билән һәрбий алақини әслигә кәлтүрүшни мураҗиәтнамә қилди. У бу сөзләрни сингапорда өткүзүлүватқан асия юқири дәриҗилик дөләт әрбаблири йиғинида оттуриға қойди.
Мухбиримиз җумә
2010-06-05
Елхәт
Пикир
Share
Принт

Америка дөләт мәҗлиси тәйвәнгә 6 милярд 400 милйон долларлиқ қорал сетип беришини тәстиқлиғандин кейин, хитай һөкүмити америка билән болған һәрбий алақисини тохтатқан иди.

Роберт гейтис шәнбә күндики сөзидә, хитайни америкиниң тәйвәнгә һәрбий ярдәм беришни тохтатмайдиғанлиқидәк реаллиқни қобул қилишқа үндиди.

У мундақ деди: "30 йилдин кейин нормаллаштурулған америка - хитай һәрбий алақисиниң үзүлүп қелиши, америка қошма штатлириниң тәйвән сияситини өзгәртәлмәйду."

Роберт гейтис йәнә, бу икки дөләт арисида һәрбий алақиниң кәм болуши һәрхил ақивәтләрни кәлтүрүп чиқиридиғанлиқини оттуриға қойди вә "алақидә хаталиқ көрүнүш, хата чүшинип қелиши вә хата һөкүм чиқирип қоюшларниң алдини елиш учун икки дөләт арисида ишәнчлик һәрбий алақә сақлашниң зөрүр икәнликини оттуриға қойди.

Роберт гейтис, америка қошма штатлириниң җәнубий деңиз тәвәлики мәсилидә оттуриға чиқиватқан талаш - тартишларға алаһидә көңүл бөлүватқанлиқиниму илгири сүрди.

У мундақ деди: "җәнуби җуңго деңизи, диққитимиз барғанчә еғиватқан районларниң бири. Бу деңиз, мәзкур деңиз билән биваситә чегрилинидиған дөләтләргә муһим болуп қалмастин, бәлки йәнә асияда иқтисадий вә бихәтәрлик мәнпәәти бар дөләтләргиму муһим."
 
Роберт гейтис америка қошма штатлириниң җәнуби җуңго деңизида "муқим, әркин йүрүш, вә тосалғусиз иқтисадий тәрәққиятни" сақлашни зөрүр дәп қарайдиғанлиқи вә бу райондики америка ширкәтлиригә тәһдит селишқа қарши туридиғанлиқини билдүрди.

Мәлум болушичә, сингапорда ечиливатқан асия әллири министирлар йиғиниға хитай тәрәп бир төвән дәриҗилик әмәлдар әвәткән.

 
Пикирләр (0)
Share
Толуқ бәт