Robért géytis: 'xitay amérikining teywen'ge herbiy yardem bérishni toxtatmaydighanliqidek ré'alliqni qobul qilishi kérek'

Amérika dölet mudapi'e ministiri robért géytis shenbe küni sin'gaporda, xitay da'irilirining amérika bilen herbiy alaqini eslige keltürüshni muraji'etname qildi. U bu sözlerni sin'gaporda ötküzülüwatqan asiya yuqiri derijilik dölet erbabliri yighinida otturigha qoydi.
Muxbirimiz jume
2010-06-05
Élxet
Pikir
Share
Print

Amérika dölet mejlisi teywen'ge 6 milyard 400 milyon dollarliq qoral sétip bérishini testiqlighandin kéyin, xitay hökümiti amérika bilen bolghan herbiy alaqisini toxtatqan idi.

Robért géytis shenbe kündiki sözide, xitayni amérikining teywen'ge herbiy yardem bérishni toxtatmaydighanliqidek ré'alliqni qobul qilishqa ündidi.

U mundaq dédi: "30 yildin kéyin normallashturulghan amérika - xitay herbiy alaqisining üzülüp qélishi, amérika qoshma shtatlirining teywen siyasitini özgertelmeydu."

Robért géytis yene, bu ikki dölet arisida herbiy alaqining kem bolushi herxil aqiwetlerni keltürüp chiqiridighanliqini otturigha qoydi we "alaqide xataliq körünüsh, xata chüshinip qélishi we xata höküm chiqirip qoyushlarning aldini élish uchun ikki dölet arisida ishenchlik herbiy alaqe saqlashning zörür ikenlikini otturigha qoydi.

Robért géytis, amérika qoshma shtatlirining jenubiy déngiz teweliki mesilide otturigha chiqiwatqan talash - tartishlargha alahide köngül bölüwatqanliqinimu ilgiri sürdi.

U mundaq dédi: "jenubi junggo déngizi, diqqitimiz barghanche éghiwatqan rayonlarning biri. Bu déngiz, mezkur déngiz bilen biwasite chégrilinidighan döletlerge muhim bolup qalmastin, belki yene asiyada iqtisadiy we bixeterlik menpe'eti bar döletlergimu muhim."
 
Robért géytis amérika qoshma shtatlirining jenubi junggo déngizida "muqim, erkin yürüsh, we tosalghusiz iqtisadiy tereqqiyatni" saqlashni zörür dep qaraydighanliqi we bu rayondiki amérika shirketlirige tehdit sélishqa qarshi turidighanliqini bildürdi.

Melum bolushiche, sin'gaporda échiliwatqan asiya elliri ministirlar yighinigha xitay terep bir töwen derijilik emeldar ewetken.

 
Toluq bet