Amérika tibet mesilisige alahide kélishtürgüchi belgilidi

Amérika tashqi ishlar ministiri hilariy klinton xanim, tibet we xitay wekilliri arisidiki söhbetke alahide kélishtürgüchi xadim belgilen'genlikini élan qildi.
Muxbirimiz irade
2009-10-02
Share

Qarargha asasen, tashqi ishlar ministiri yardemchisi mariya ottéro tibet - xitay mesililiri alahide kélishtürgüchisi qilip belgilendi. Bu qararning élan qilinishi xitayning dölet bayrimi 1 - öktebirge toghra keldi.

Amérika dölet mejlisi bu heqte élan qilghan bayanatida, ottéro xanimning amérika - xitay munasiwetliridiki tibet mesilisige alaqidar siyaset we pa'aliyetlerni pilanlaydighanliqni otturigha qoydi.

Bayanatta yene, ottéro xanimning ikki terep arisidiki di'aloglarning muqim tereqqiy qilishigha kapaletlik qilish bilen birlikte, tibet xelqining özgiche medeniyitini saqlap qélish üchünmu küch chiqiridighanliqi körsitilgen.
 
Xitay, amérika hökümitining tibet mesilisige tutqan pozitsiyisini izchil tenqid qilip kelmekte idi. Téxi aldinqi ayning otturilirida obamaning muhim bash meslihetchiliri daramsalagha bérip dalay lamani ziyaret qilghan bolup, xitay buningghimu qattiq naraziliq bildürgen idi.

Dalay lama kéler hepte amérika paytexti washin'gtonda ziyarette bolidu. U bu ziyaritide amérika prézidénti barak obama bilenmu uchrishishini xalaydighanliqini bildürgen idi.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet