Amérika dölet mejlisining wekiller ömiki tibetni ziyaret qilmaqchi

Bu amérika dölet mejlisining 2008 - yili tibette yüz bergen "14 - mart lxasa weqesi" din kéyin , tunji qétim tibetni ziyaret qilish ruxsitige érishishi.

Xelq'ara tibet herikiti teshkilati tarqatqan xewerge qarighanda, " 14 - mart lxasa weqesi" din kéyin, xitay da'iriliri amérika dölet mejlisining tibetni ziyaret qilish telipini ichil ret qilip kelgen.

Xewerde körsitilishiche, mezkur ömekning sayahet tertipi intayin zich orunlashturulghan. Shunglashqa ularning tibette musteqil tekshürüsh élip bérish pursiti yoq déyerlik iken.

Tibet herikiti hökümet munasiwetliri bölümining diréktori tod steynning bildürüshiche, xitayning bu pursettin paydilinip tibet heqqide teshwiqat pa'aliyiti élip baridighanliqini körüwalghili bolidiken.

2008 - Yili 14 - mart tibet paytexti lxasada xitaygha qarishi namayish partlighan. Xitay hökümiti shundin kéyin, chet'el muxbirliri we musteqil tekshürüsh ömeklirining tibette pa'aliyet élip bérishini chekligen idi.